Mangeluwün
Daniel López Stefoni, fütra longkolelu Kimelwe Ruka Playa Ancha mew, Kom Kim Mapudunguaiñ Trokiñche engu mangeleymünmew amualu tachi Mapudungupe ta che. Fillke küdaw ka awkantun taiñ koneltuael mapudungun mew pingechi chillka ñi pengelngeael.Trawüaiñ iñ entuael tüfachi küdaw mierkole 6 antü konle kunio küyen 2018, 18:30 konkülechi antü mew, Centro de Estudios Avanzados [CEA-UPLA] mew, mülelu Traslaviña waria rüpü 450, Viña del Mar.
Tüfachi chillka kelluntukukey mapudungun ñi amulngeael kom Wallmapu mew, fill mapu püle chew ñi entungekemum tati koneltun mapudungun, chew ñi kimeltungekemum taiñ mapudungun. Tüfachi küdaw reküluwüy Ministerio de Cultura pingechi trokin kofierno, Newcastle Fütra Kimelwe Ruka, kafey Proyekto Cultural Narratives of Crisis & Renewal [CRIC] mew.
Feychi antü dungualu ta Andrea Salazar (Kom Kim Mapudunguaiñ, wirindungufe), Victoria Vidal (wiriadelkafe), Sonia Vita Manquepi (mapuche kimeltuchefe) ka Maria do Carmo Monteiro Kobayashi (Universidade Estadual Paulista kimelfe).
Müley mün wirintukuael tüfachi e-werküwe mew: mapudungupe@gmail.com
Pewmangen amuaymün mün allkükutuael, mün entuaefiel kafey nütram mapudungun ñi wenuntutun mew.
Wiño mapudungutuaiñ fill püle!
Para evento en Facebook PINCHA AQUÍ
